Í dag eru 50 ár liðin frá því að tunglfararnir æfðu sig á Íslandi og í tilefni þess er tunglfarinn Harrison Schmitt staddur á landinu.
Harrison Schmitt steig á tunglið í desember 1972 og dvaldi þar í þrjá daga með leiðangurstjóra Apollo 17, Eugene Cernan. Ekki nóg með að þeir dvöldu lengst allra manna á tunglinu þá er Schmitt, sem er jarðfræðingur, fyrsti og eini vísindamaðurinn sem hefur stigið fæti á tunglið.
Schmitt mun halda erindi um ferð sína til tunglsins og mikilvægann þátt Íslands í þjálfun geimfarana í Háskólanum í Reykjavík, fimmtudaginn 9. júlí 2015 klukkan 17:00. Fyrirlesturinn er í boði The Exploration Musuem á Húsavík, sendiráðs Bandaríkjanna og Háskólans í Reykjavík. Aðgangur ókeypis og allir eru velkomnir.
Í lok erindisins mun Schmitt veita viðtöku fyrstu árlegu Leif Erikson Exploration Award á 80 ára afmæli sínu.
Harrison Schmitt tekur sýni úr Taurus-Littrow dalnum.