Hér verður tilkynnt hvenar næsta ljósmyndanámskeið verður haldið fyrir árið 2016.
Stjörnuskoðunarfélag Seltjarnarness stendur fyrir námskeiði í stjörnuljósmyndun. Kennari námskeiðsins verður íranski ljósmyndarinn Babak Tafreshi, einn virtasti næturljósmyndari heims. Námskeiðið er ætlað byrjendum og lengra komnum.
Babak A. Tafreshi er ljósmyndari og vísindablaðamaður. Hann er stofnandi og stjórnandi alþjóðlega ljósmyndaverkefnisins The World at Night (TWAN), ljósmyndari og greinarhöfundur fyrir Sky & Telescope tímaritið og National Geographic, sem og einn af ljósmyndurum Stjörnustöðvar Evrópulanda á suðurhveli (ESO). Árið 2009 hlaut Babak Lennart Nilsson verðlaunin, ein virtustu vísindaljósmyndaverðlaun heims, fyrir framlag sitt til stjörnuljósmyndunar. Babak hefur haldið fjölda ljósmyndanámskeiða við frábæran orðstír og er það mikill fengur að fá hann til að halda námskeið fyrir íslenska ljósmyndara.
Meðal viðfangsefna námskeiðsins má nefna:
- Myndvinnsla
- Undirstöðuatriði náttúru- og stjörnuljósmyndunar
- Ljósmyndabúnaður, myndavélar, linsur og stæði
- Lýsingartími, ljósnæmni o.s.frv. í landslags- og stjörnuljósmyndun
- Langtímaverkefni í himinljósmyndun
- Stjörnurákir
- „Time-lapse“ myndskeið
- Víðmyndir af næturhimninum
Skráning og verð
Námskeiðið fer fram í Valhúsaskóla á Seltjarnarnesi og hefst klukkan 11:00 og stendur til kl. 16:00. Kennsla er bæði verkleg og bókleg.
Verð kr.: 20.000 (15.000 kr fyrir félagsmenn í Stjörnuskoðunarfélagi Seltjarnarness)
Innifalið í verðinu er léttar veitingar.
Athugið að fjöldi þátttakenda í námskeiðinu er takmarkaður svo hægt sé að sinna öllum vel.
