Stjörnuskoðunarfélag Seltjarnarness er opið öllu áhugafólki um stjörnuskoðun
og stjörnufræði. Árgjaldið er 2.500 kr. á ári fyrir 16 ára og eldri en en 1.250 kr.
fyrir þá sem eru yngri en 16 ára.

Ekki er gerð nein krafa um þekkingu á stjörnufræði eða að félagar eigi sjónauka,
heldur er félagið hugsað fyrir alla þá sem hafa áhuga á stjörnufræði um allt land.

Félagsfundir eru haldnir í hverjum mánuði yfir veturinn, auk annarra viðburða.
Félagið sendir reglulega út fréttabréf og gefur út veglegt blað á u.þ.b. tveggja
ára fresti. Félagar geta skráð sig á póstlista félagsins þar sem við látum vita af
viðburðum og því sem sjá má á himninum og félagið rekur einnig spjallborð á
netinu. Félagar fá einnig afslátt að byrjendanámskeiðum á vegum félagsins.

Öll starfsemin byggist á sjálfboðaliðavinnu og allt sem er afgangs af
námskeiðum og annarri starfsemi rennur í sjóð til þess að fjármagna
fyrirhugaða stjörnustöð félagsins í nágrenni höfuðborgarsvæðisins.